Направляемые сообщения не являются обращениями граждан, рассматриваемыми в порядке, установленном Федеральным законом от 2 мая 2006 г. № 59-ФЗ «О порядке рассмотрения обращений граждан Российской Федерации».

Чүс кил картофельди ажаап ап турар

Тыва Республиканыӊ күш-ажыл болгаш социал политика сайыдының хүлээлгезин күүседип турар Эдуард Сандан бөгүнгү аппарат хуралынга “Социал картофель” губернатор төлевилелиниң боттандырылгазын илеткээн.

– «Социал картофель» губернатор төлевилелди 2020 чылда боттандырган түӊнелинде, аӊаа киришкен өг-бүлелер 10330 рубльду камнап алыр аргалыг болган. 2021 чылда төлевилелде 1241 өг-бүле киржип турар. Картофель үрезинин 883,5 муӊ рубль, ногаа культураларыныӊ үрезинин 148,9 муң рубль-биле садып шиӊгээткен. Үрезиннер түүнде морковь, свёкла, огурец, кабачок, редиса, укроп, петрушка болгаш согуна кирип турар.

Тываныӊ күш-ажыл яамызыныӊ эргелелинде турар албан черлери бо төлевилелди боттандырар дээш, аӊаа киржир хамаатыларныӊ билдириишкиннерин хүлээр талазы-биле ажылды кылып, даӊзызын тургускан, өг-бүле бүрүзү-биле социал керээни чарган. Ногаа тарып өстүрер ажылга ижиктирип чаӊчыктырар талазы-биле бот-тускайлаӊ программаны ажылдап кылып турар.
Өг-бүле бүрүзүнүӊ ортумаа-биле 5-9 шоодай азы 100 кил картофель дүжүдүн ажаап, кышты өттүр чиир ногаа аймаан белеткеп ап турары бо төлевилелдиӊ чогумчалыын көргүзүп турар.

Салдынган сорулгаларны чедип алыр дээш, шупту муниципалдыг тургузугларда херээженнер, адалар чөвүлелдери, культура бажыңнарының болгаш ном саңнарының баазазында идепкейжилерни хаара тудуп, төлевилелдиӊ киржикчилеринге өзүмнер олуртур, ногаа аймаан тарып өстүрер талазы-биле өөредиглиг семинарларны, мастер-класстарны эрттирип турар.

#Аппаратхуралы #Күш_ажыляамызы #Социалкартофель #ТМГмедээлер #Тыва #Тывамедээ #Тывадыл #Тывамедиагрупп #Тува #Tuva #TMG #TMGNEWS #Tuvanews

телефон доверия

Для детей, подростков и их родителей

8·800·2000·122